TÖSSE ECH EN SCHOËNE SCHIËN!
In ut naojaor van 2008 woort in Bliërick ut nieje Blierickse Raodhoes geaöpend en beej gelaegenheid van die aöpening woort de Stichting Revuegezelschap “ Rundje Bliërick” gevraog um nao twellef jaor weer ein nieje Blierickse Revue op de planke te bringe. In eine splinternieje theaterzaal met toeniëltoore en vuul mier techniese meugelikhede woorte 15 oëtverkochte veurstellinge (bijna 5000 bezeukers)gegaeve van de Revue met als titel “Noow geit ut gebeure”.
Met dees Revue hebbe weej toen unne nieje start veur de toekôms gemak. D’r kwaam ein niej Bestuur en der woorte veur ut iërs audisies gehalde.
Niej jôngk talent kwaam baove driëve en haet eine geweldigen indrök achtergelaote. Al met al eine gooije zet, dae zien vruchte haet aafgeworpe.
Nao det succes haet ut Bestuur dan auk beslaote det d’r gen 12 jaor mier gewach meus waere op ein nieje revue. Hoesschriëver Thei Vincken woort gevraog nodg eine kier ein ech Bliëricks verhaol te schriëve en Peter Jansen haet dao 16 moeije liedjes beej geschreeve. De titel van de nieje revue is gewaore:
TÖSSE ECH EN SCHÖENE SCHIËN.
De audisies zien gewaes en op zôndaag 28 augustus 2011 is de rolverdeiling bekint gemak in de trouwzaal van ’t Raodhoes, waovan ge foto’s op dees site kint bekiëke.
De rippetisies zien inmiddels gestart en in ut naojaor van 2012 zal de nieje Revue waere oetgeveurd in ’t Raodhoes.
Op deze zôndaagmiddaag woort Hermenieke “ Merijntje Gijzen” geiërd veur al die Revues die zeej vanaaf 1988 in Bliërick op de planke hebbe gebrach. Det gebeurde in de persoën van Joep Dückers , dae tot iëre-veurzitter van Stichting Revuegezelschap “Rundje Bliërick “ woort beneump.
Alle miër dan 110 meiwerkers zoëwaal op, achter als veur de scherme winse weej as Bestuur vuul succes en plezeer de kômmenden tiëd en haope όg , publiek, op ein van de oëtveuringe in ut naojaor van 2012 te meuge verwelkômme.
Names ut Bestuur
Marcel Kikken, veurzitter
weej winse och fijne vastelaoves-daag!!